子也封脱。跌下来个倒勿曾死，就不过跌坏仔一只脚。”众人嗟叹一番。适值阿德保搬干稀饭到楼上，张寿只得快快下去。

饭罢席终，客行主倦。接着对过房里周双玉连摆两个台面，楼下周双宝也摆一台，重复忙乱起来。

洪善卿不甚舒服，遂亦辞了周双珠，归到南市永昌参店歇宿。次日傍晚，往北径至尚仁里黄翠凤家。罗子富迎见，即问：“李鹤汀转去哉，耐阿晓得？”洪善卿道：“前日夜头碰着俚，勿曾说起（口宛）。”子富道：“就匆多欧我去请俚，说同实夫一淘下船去哉。”善卿道：“常恐有啥事体。”说着，葛仲英、王莲生、朱蔼人、汤啸庵次第并至，说起李鹤汀，都道他倏地回家，必有缘故。

比及陈小云到，罗子富因客已齐，令赵家(女每)喊起手巾。小云问子富道：“耐阿曾请李鹤汀？”子富道：“说是转去哉呀，耐阿晓得俚为啥事体？”小云道：“陆里有啥事体！就为仔昨夜公阳里，鹤汀也来浪，一淘拉得去，到新衙门里，罚仔五十块洋钱，新衙门里出来就下船。我去张张俚，也匆曾看见。”洪善卿急道：“价末楼浪跌下来个阿是鹤汀嗄？”陈小云道：“跌下来个是大流氓。先起头，三品顶戴，轿子拉出扛进，海外哚！就苏州去吃仔一场官司下来，故歇也来浪开赌场，挑挑头。昨日勿曾跌杀末，也算俚运气。”罗子富道：“故是周少和（口宛），鹤汀为啥去认得俚？”陈小云道：“鹤汀也自家勿好，要去赌；勿到一个月，输脱仔三万。倘然再输下去，鹤汀也匆得了哉囗！”子富道：“实夫勿是道理，应该说说俚末好！”小云道：“实夫倒是做人家人，到仔一埭上海，花酒也匆肯吃，蛮规矩。”洪善卿笑道：“耐说实夫规矩，也匆好，忒啥做人家哉！南头一个朋友搭我说起，实夫为仔做人家，也有仔点小毛玻”陈小云待要问明如何小毛病，恰遇金巧珍出局坐定，暗将小云袖子一拉。小云回过头去，巧珍附耳说了些话。小云听不明